Qeveria do të krijojë komision profesional për rastin e dhunimit të 11-vjeçares

Ka përfunduar takimi i grupit të emergjencës në Ministrinë e Drejtësisë lidhur me dhunimin e 11-vjeçare nga pesë të dyshuar.

Në takimin e kryesuar nga zëvendësministrja e Drejtësisë, Nita Shala e me pjesëmarrjen edhe të policisë, prokurorisë e të tjerave institucione, është marrë vendim që Qeveria të krijojë një komision profesional për analizimin e veprimeve institucionale lidhur me rastin.

Shala ka thënë se themelimi i këtij komisioni do të ndihmojë në diktimin e rrugës së duhur në vijim.

"Sapo përfunduan takimin e grupit të emergjencës. Anëtarët e këtij grupi ndajmë shqetësimin lidhur me këtë rast. Konfirmojmë ndërmarrjen e veprimeve institucionale. Është ofruar mbrojtja e të dëmtuarës dhe mbështetja adekuate. Qeveria do të krijojë një komision profesional i cili do të analizojë veprimet konkrete të institucioneve. Themelimi i komisionit do të na ndihmoje te bëjmë një analizë të mëparshme dhe te na diktojnë rrugën e duhur ne vijim" ka thënë zëvendësministrja e Drejtësisë, Nita Shala pas takimi ku kanë marrë pjesë policia prokuroria, mbrojtës të viktimave etj.

Një 11-vjeçare dyshohet se u dhunua të shtunën në Prishtinë nga pesë persona. Katër prej tyre arrestuar e i pesti është identifikuar.

Prej pesë të dyshuarave, veç njëri është i mitur, të tjerët janë të moshës madhore.

Ky rast ka nxitur reagime të mëdha në vend dhe më gjerë.