-
Nga:
Rrezon Gashi dhe Ermir Bujupaj
- 15 prill 2024 12:17
- Shpërndaje në:
Ka nisur protesta për rastin e vrasjes së 21-vjeçares në Ferizaj, që ndodhi të premten në Qendrën për Punë Sociale.
Protesta u ftua nga Kolektivi për Mendim dhe Veprim Feminist, e ajo po mbahet nën thirrjet “Institucionet janë bërë armik i grave”, “Pa drejtësi nuk ka qetësi”, “Jeni treguar të paaftë”, “Nuk ka negociata me dhunues”.
VIDEO:
Qytetarë janë mbledhur para QPS-së ku kishte ndodhur vrasja, për të vazhduar drejt objektit të gjykatës në Ferizaj.
21-vjeçarja dyshohet se u vra me armë zjarri nga ish-bashkëshorti i saj. Çifti ishte në proces të ndarjes, e në QPS po trajtohej çështja e fëmijës së tyre.
Nga rasti ka mbetur i plagosur edhe vëllai i viktimës.
Familjen e saj e ka vizituar të hënën ministrja e Drejtësisë, Albulena Haxhiu.
