Të lënduarit në aksidentin e ndodhur gjatë mbrëmjes të së dielës në Çubrel të Skenderajt, janë në gjendje stabile.
Drejtori i Klinikës Emergjente në QKUK, Naser Syla, ka thënë për KOHËN se ata janë transferuar në Klinikën e Ortopedisë për vazhdim të trajtimit.
“Të lënduarit e aksidentit janë trajtuar mbrëmë në Qendrën Emergjente, gjendja e tyre ka qenë stabile, pastaj janë transferuar në Klinikën e Ortopedisë për vazhdim të trajtimit”, ka thënë ai.
Tre persona kanë humbur jetën e pesë të tjerë janë lënduar të dielën në një aksident trafiku në rrugën rajonale Mitrovicë-Pejë, në segmentin rrugor në fshatin Çubrel të Skenderajt.
Policia e Kosovës ka njoftuar se në aksident janë përfshirë dy vetura, ku njëra prej tyre ishte veturë zyrtare e Policisë. Katër prej të lënduarve janë zyrtarë policorë.
