Presidentja, Vjosa Osmani, ka thënë se thënë se Kosova do të vazhdojë të punojë me aleatët që procesi i dialogut me Serbinë të përmbyllet me njohje të ndërsjellë, teksa ka njoftuar se është takuar me përfaqësuesin e ri të Bashkimit Evropian (BE) për dialogun Kosovë-Serbi, Peter Sorensen.
“Në takimin tim të parë me përfaqësuesin e ri të BE-së për bialog, Peter Sorensen, diskutuam mbi zhvillimet e fundit në vend dhe pritshmëritë nga dialogu i Brukselit. Do të vazhdojmë të punojmë me aleatët tanë që ky proces të përmbyllet me njohje të ndërsjellë dhe mbrojtjen e sovranitetit, kushtetutshmërisë dhe integritetit territorial të Republikës sonë”, ka shkruar Osmani në Facebook.
Osmani takon sekretarin e KiE-së: Anëtarësimi i Kosovës do të ishte fitore edhe për Evropën
Presidentja Vjosa Osmani ka takuar sekretarin e përgjithshëm të Këshillit të Evropës, Alain Berset.
Në këtë takim Osmani ka thënë se kanë diskutuar mbi zhvillimet e fundit dhe rrugën e Kosovës drejt anëtarësimit në këtë organizatë.
“Anëtarësimi i Kosovës në Këshillin e Evropës do të përbënte një fitore jo vetëm për të drejtat e njeriut në Kosovë, por edhe për vetë Evropën dhe vlerat e saj themelore”, ka shkruar Osmani.
