Presidentja Vjosa Osmani dhe kryetari i Kuvendit Glauk Konjufca, kanë dënuar sulmin terrorist në Turqi, ku u vranë 5 persona e u plagosën 22 të tjerë.
Osmani ka shkruar në rrjetin social X se terrorizmi dhe dhuna nuk kanë vend në botë.
“Qëndrojmë me aleatin tonë, Turqinë, pas sulmit terrorist sot në Ankara. Ngushëllimet tona më të thella për familjet dhe të dashurit e viktimave. Terrorizmi dhe dhuna nuk kanë vend në botë”, ka shkruar Osmani.
We stand with our ally, Türkiye, following today’s terrorist attack in Ankara.
Our deepest condolences go out to the families and loved ones of the victims.
Terrorism and violence have no place in our world!
Konjufca ka shkuar në Facebook se “sulmi i sotshëm në Turqi është shokues dhe e dënojmë në mënyrën më të ashpër”.
“Qëndrojmë pranë aleatit tonë, Turqisë, popullit turk dhe të gjithë atyre që humbën më të dashurit e tyre nga ky akt i papranueshëm terrorist. Uroj shërim sa më të shpejtë për të plagosurit dhe shpreh ngushëllimet më të sinqerta për familjarët e viktimave!”, ka shkruar Konjufca.
Të mërkurën persona të armatosur sulmuan selinë e kompanisë shtetërore të hapësirës ajrore në afërsi të kryeqytetit turk, Ankara, duke i lënë të vrarë të paktën pesë dhe të plagosur 22 persona, në atë që autoritetet e kualifikuan si sulm terrorist.
