Disa nxënës kanë hedhur gurë në drejtim të veturave në lagjen “Bregu i Diellit” në Prishtinë të martën, bazuar në një video që një qytetar ia ka dërguar KOHËS.
Në video shihen nxënësit tek ndalin veturat në rrugën “Enver Maloku” dhe i gjuajnë me gurë. Në një moment ata shihen edhe duke ikur pas gjuajtjeve.
Qytetari që ka kapur momentin me kamerën e veturës u ka bërë thirrje prindërve dhe Policisë të marrin masa.
Ai ka thënë se ka pësuar dëme materiale nga gurët e hedhur në veturën e tij dhe se rastin do ta paraqesë edhe në polici.
VIDEO:
