Pikëkalimet kufitare kanë nisur të ngarkohen me ardhjen e mërgimtarëve në prag të festave të fundvitit.
Mëngjesin e së shtunës, 21 dhjetor, në Merdar raportohet për prite njëorëshe për të hyrë në Kosovë.
Te Dheu i Bardhë për të hyrë deri në gjysmë ore pritje dhe kolona 300 metra. Ndërsa, në pikëkalimet e tjera kufitare nuk paraqitet ngarkesë.
Veçanërisht gjatë sezonit të verës dhe në dimër, me afrimin e festave, këto pikëkalime janë më të dendurat dhe pritjet zgjasin me orë.
Ngarkohen edhe pikëkalime të tjera, pritje gati dyorëshe në Jarinje
Foto nga arkivi
Përveç në Merdar dhe te Dheu i Bardhë, pasditen e së shtunës pritje të gjata janë krijuar edhe në pika të tjera kufitare.
Në mëngjes sipas Qendrës Kombëtare për Menaxhim Kufitar kolona e pritje kishte vetëm në Merdar e te Dheu i Bardhë, por pasdite pritje më të gjata ka në pikëkalimin në Jarinje.
Pritjet për të hyrë në Kosovë nga Jarinja janë gati dy orë. Te Dheu i Bardhë një orë e në Merdar mbi një orë.
Në pikëkalimin në Muçibabë po ashtu ka ngarkesë, me rreth gjysmë ore.
