Në Kosovë sot do të mbajë mot me diell e vranësira të pjesshme, ka njoftuar Instituti Hidrometeorologjik i Kosovës. Vranësirat do të jenë kryesisht të fokusuara përgjatë relievit malor.
Temperaturat minimale parashihen të lëvizin ndërmjet 12-15 gradë Celsius, e maksimalet ndërmjet 29-33 gradë Celsius.
“Do të fryjë erë e lehtë deri mesatare nga drejtimi i juglindjes. Vlen të ceket se shkalla e avullimeve është e lartë dhe në këto temperatura të larta edhe humbjet e sasive të lagështisë të cilat u formuan si rezerva gjatë muajit maj janë duke humbur, mesatarisht 5 litra për metër katrorë, gjë që edhe kushtet agrometeorologjike janë duke u keqësuar”, thuhet në njoftim.
