Presidenti i Serbisë, Aleksandar Vuçiq, pritet që të premten (13 shtator) t’i prezantojë ato që i ka quajtur kërkesa të Serbisë “për shkak të sulmeve substanciale dhe brutale ndaj popullsisë serbe në veri të Kosovës”.
Në një deklaratë të martën, ai u shpreh se në 72 orët e ardhshme do t’i adresohet publikut për “ato që bashkësia ndërkombëtare nuk i ka përmbushur”.
Përderisa në Serbi ka pasur raportime në disa tabloide se një nga opsionet mund të jetë që Vuçiqi të premten të shpallë okupimin e Kosovës, kërkesat i ka bërë publike kryeparlamentari i Malit të Zi, Andrija Mandiq, pas një takimi me ambasadorin e Serbisë në Podgoricë, Nebojsha Rodiq.
Sipas një njoftimi të Mandiqit në X (ish-Twitter), Serbia kërkon që të ketë “zgjedhje të lira” të organizuara sa më shpejt që të jetë e mundur në veri të Kosovës.
Kërkesa tjera janë që 700 policë serbë që ishin tërhequr nga institucionet e Kosovës, të rikthehen menjëherë në vendet e tyre të punës. Po ashtu është kërkuar që edhe zyrtarët serbë të sistemit të drejtësisë të kthehen në vende pune “për ta zgjidhur problemin në fushën e drejtësisë”.
Po ashtu Beogradi ka kërkuar edhe formimin e Asociacionit të komunave me shumicë serbe si dhe lirimin e të gjithë serbëve “të arrestuar për motive politike”.
Kërkesa e gjashtë e Serbisë ka qenë që të zgjidhet çështja e bllokimit të pjesshëm të importeve nga Serbia.
ПРЕДСЈЕДНИК МАНДИЋ РАЗГОВАРАО СА АМБАСАДОРОМ СРБИЈЕ
— Андрија Мандић (@AndrijaMandicDF) September 11, 2024
Предсједник Скупштине Црне Горе Андрија Мандић примио је данас са Њ. Е. Небојшу Родића, амбасадора Републике Србије, који му је том приликом пренио веома важне поруке званичног Београда.
Предсједник Мандић је, прије свега,… pic.twitter.com/lEI0OmExdE
