Ministri i Mbrojtjes, Ejup Maqedonci, tha se ka shprehur gatishmërinë t’i ndihmojë Republikës Çeke që po përballet me vërshime.
Ai ka shkruar në Facebook se ka diskutuar me homologen çeke, Jana Černochová dhe i ka shprehur gatishmëri “përmes kapaciteteve të kërkim shpëtimit apo formave tjera të mbështetjes humanitare”.
“Me rastin e vërshimeve të jashtëzakonshme në Republikën e Çekisë, Ministri i Mbrojtjes Ejup Maqedonci i ka shprehur gatishmërinë për ndihmë Ministres së Mbrojtjes Jana Černochová “Në këto momente të vështira kur Republika Çeke po përballet me përmbytje, në letrën drejtuar homologes sime, Ministres së Mbrojtjes së Republikës Çeke, Jana Černochová, i shpreha gatishmërinë për t'iu ofruar ndihmë autoriteteve çeke përmes kapaciteteve të kërkim shpëtimit apo formave tjera të mbështetjes humanitare. Gjersa mendimet tona janë me të gjithë të prekurit, uroj që kjo krizë të kalojë sa më parë, me sa më pak dëme”, thuhet në njoftimin e Maqedoncit.
Ministri ka thënë të dielën se Kosova qëndron me Republikën Çeke në këtë periudhë të rëndë.
