Zyra e Kryeministrit ka njoftuar se sot në orën 15:00 kryeministri Albin Kurti do ta presë në takim ndihmëssekretari amerikan i Shtetit për Evropën dhe Euroazinë, James O’Brien.
O’Brien e viziton Kosovën një ditë pasi që ka qëndruarnë Serbi.
Gjatë qëndrimit atje ai ka dhënë një intervistë për transmetuesin publik serb duke thënë se kërkon që të gjitha marrëveshjet e arritura në dialogun për normalizim të raporteve mes Kosovës dhe Serbisë të respektohen.
O’Brien ka deklaruar se sa i përket themelimit të Asociacionit të komunave me shumicë serbe është e rëndësishme që të respektohen marrëveshjet. Në këtë drejtim, ai tha se duhet që në Gjykatën Kushtetuese të Kosovës të kalojë një draft-statut për Asociacionin.
Të dielën presidenti i Serbisë, Aleksandar Vuçiq, ka njoftuar se është takuar me ndihmëssekretarin amerikan, me të cilin tha se ka diskutuar për situatën në Kosovë dhe për forcimin e bashkëpunimit. Vuçiq ka shkruar në Instagram se serbët e Kosovës po përballen me sfida, duke i kërkuar zyrtarit amerikan që “mbështetja e fortë e SHBA-së mund të kontribuojë në stabilitetin e rajonit”.
“Shpreha shqetësimin tim për sfidat me të cilat po ballafaqohet populli serb çdo ditë. Theksova nevojën për një angazhim më të madh të SHBA-së në këtë çështje, pasi mbështetja më e fortë dhe pjesëmarrja aktive e Shteteve të Bashkuara të Amerikës mund të kontribuojnë në stabilitetin dhe sigurinë në rajon”, ka thënë Vuçiq.
Presidenti serb ka shtuar se Serbia është e përkushtuar për integrimin evropian, e reformat e BE-së tha se janë “të nevojshme për të përmirësuar bashkëpunimin”.
Kurti në takim me O’Brienin: Dorëzimi i Radoiçiqit nënkupton drejtësi e siguri
Kryeministri i Kosovës, Albin Kurti, është shprehur se dorëzimi i kryeterroristit serb, Milan Radoiçiq dhe i grupit të tij paramilitar do të nënkuptonte ligjshmëri, drejtësi, paqe dhe siguri. Këto deklarime Kurti i ka bërë në takim me ndihmëssekretarin për çështje evropiane dhe euroaziatike të Departamentit Amerikan të Shtetit, James O’Brien, ka njoftuar Zyra e Kryeministrit të hënën.
Kurti ka thënë se nënshkrimi i Marrëveshjes Bazë është dëshmi e nevojshme e vullnetit të mirë dhe e mirëbesimit nga ana e Serbisë “për përmbushje të shpejtë dhe respektim të plotë të saj dhe të Aneksit”.
“Në këtë takim u diskutua edhe rreth raporteve me Serbinë, procesin e dialogut të lehtësuar nga Bashkimi Evropian dhe zbatimin e Marrëveshjes Bazike dhe Aneksit të saj. Nënshkrimi i Marrëveshjes Bazike është dëshmia e nevojshme e vullnetit të mirë dhe mirëbesimit nga ana e Serbisë për përmbushjen e shpejtë dhe respektimin e plotë të saj e të Aneksit të zbatimit. Po ashtu, për ligjshmëri e drejtësi, paqe e siguri, nevojitet dorëzimi i kryeterroristit Milan Radoiçiq dhe grupit të tij paramilitar”, ka thënë Kurti, thuhet në komunikatën për media.
Në takim me zyrtarin O’Brien ka qenë edhe ambasadori i SHBA-së në Kosovë, Jeffrey Hovenier.
Kurti gjithashtu u tha se ka folur për rolin historik dhe mbështetjen e vazhdueshme të SHBA-së për Kosovën dhe popullin.
O’Brien në Qeveri, Kurti e pret në takim
Photo: Alban Bujari
Ndihmëssekretari amerikan i Shtetit për Evropën dhe Euroazinë, James O’Brien është pritur në Qeveri nga kryeministri Albin Kurti.
O’Brien ka qenë i shoqëruar nga ambasadori amerikan në Prishtinë Jeffrey Hovenier, i cili paraprakisht ka shkruar për ardhjen e O’Brien, duke thënë se kjo është vizita e tij e parë në Kosovë në këtë rol.
“Presim me padurim të zhvillojmë biseda me zyrtarët kosovarë për çështjet kyç bilaterale dhe të ritheksojmë përkushtimin e SHBA-së ndaj popullit të Kosovës”, ka shkruar Hovenier në rrjetin social X.
Takimi mes O'Brienit dhe Kurtit zgjati rreth dy orë e gjysmë.
O’Brien e viziton Kosovën një ditë pasi që ka qëndruar në Serbi.
Gjatë qëndrimit atje ai ka dhënë një intervistë për transmetuesin publik serb duke thënë se kërkon që të gjitha marrëveshjet e arritura në dialogun për normalizim të raporteve mes Kosovës dhe Serbisë të respektohen.
O’Brien ka deklaruar se sa i përket themelimit të Asociacionit të komunave me shumicë serbe është e rëndësishme që të respektohen marrëveshjet. Në këtë drejtim, ai tha se duhet që në Gjykatën Kushtetuese të Kosovës të kalojë një draft-statut për Asociacionin.
