Komisioni Qendror i Zgjedhjeve (KQZ) ka anuluar 529 zarfe me fletëvotime nga diaspora, për shkak siç u tha, parregullsive të shfaqura.
Drejtori i Zyrës për Regjistrim, Certifikim dhe Kontrollin Financiar të Partive Politike, Besnik Buzhala, në mbledhjen e sotme të KQZ-së, tha se zarfet janë anuluar për shkak se në disa prej tyre ishin vetëm regjistrimi për votim dhe jo fletëvotimi.
Në anën tjetër, ai tha se numërimi i votave për kandidatë për deputetë në qendrat komunale të numërimit ka nisur në 18 komuna, ndërkaq në tetë të tjera do të nisë sot.
Sipas tij, vonesat në komunat e tjera po ndodhin për shkak të problemeve teknike. Mirëpo, anëtarët e KQZ-së kërkuan nga Sekretariati që të kenë një plan b nëse bie sistemi dhe të fillojë numërimi manual. /KP
KQZ-ja përmend “planin B” për numërimin e votave
Photo: Driton Paçarada
Kryetari i Komisionit Qendror të Zgjedhjeve (KQZ), Kreshnik Radoniqi, ka përmendur “planin B” për numërimin e votave për subjektet politike dhe kandidatët për deputetë. “Plani B” i KQZ-së është që të kthehet në mënyrën e vjetër të numërimit.
“Plani B”, sipas Radoniqit, do të nënkuptonte që evidentimi i rezultateve të bëhet sikur në të kaluarën në formularë të rezultateve për subjekte politike dhe formularë të rezultateve të kandidatëve, dhe jo siç ka filluar tani të bëhet duke u krijuar formularët digjitalë.
Por kryetari i KQZ-së është shprehur optimist se nuk do të ketë nevojë të kalohet në “planin B”.
Do të shikohet sot dhe nesër se si do të procedohet me numërimin e votave nëpër qendra komunale të numërimit dhe më pas KQZ-ja mund të vendosë nëse ka nevojë për “plan B”.
KQZ-ja ka pasur vazhdimisht telashe me sistemin ku shihen rezultatet preliminare, që nga e diela kur përfundoi procesi i votimit. Kryetari i KQZ-së, Radoniqi, në takim me presidenten Vjosa Osmani të enjten, ka thënë se po presin raportin e institucioneve të sigurisë për të kuptuar se çka ka ndodhur me sistemin.
Problemet me sistemin e KQZ-së, Radoniqi: Kemi dyshimet tona
Photo: Driton Paçarada
Kryesuesi i KQZ-së, Kreshnik Radoniqi, ka thënë se janë 12 komuna ku nuk ka filluar ende numërimi i votave dhe që shpresohet që nesër, e premte, të nisë.
Ai është pyetur nga gazetarët lidhur me problemet me sistemin e KQZ-së e nëse ka pasur ndërhyrje, ndërsa është përgjigjur se dyshimet e komisionit u janë përcjellë institucioneve përkatëse.
“Kjo çështje tash është në duar të policisë dhe prokurorë. Pa e marrë raportin nga ta ne nuk mund të japim informacione se nuk i kemi. I kemi disa dyshime tona por ato i janë përcjellë institucioneve”.
Radoniqi ka shtuar se procesi i numërimit të votave për kandidatë mund të zgjasë 10 deri në dy javë.
E, nga Sekretariati i KQZ-së u tha se verifikimi i votave të diasporës mund të zgjasë 10 ditë.
Elshani i PDK-së kërkon që nga sot të nisë publikimi i rezultateve preliminare për deputetë
Photo: Driton Paçarada
Anëtari i Partisë Demokratike të Kosovës (PDK) në Komisionin Qendror të Zgjedhjeve (KQZ), Arianit Elshani, ka kërkuar që publikimi i rezultateve preliminare për kandidatët për deputetë të nisë nga sot, duke theksuar se vonesat po rrisin pakënaqësinë dhe dyshimet te qytetarët dhe subjektet politike. Por ai ka theksuar sjanë të sigurta.
“Vonesat e mëtejshme mund të ndikojnë negativisht në besimin e publikut ndaj procesit zgjedhor. Çdo shtyrje e panevojshme vetëm sa e rrit presionin dhe shqetësimin, duke krijuar hapësirë për pasiguri e dyshime”, ka thënë ai në mbledhjen e sotme të KQZ-së.
Ai gjithashtu nënvizoi se qytetarët pa fajin e tyre mund të krijojnë dyshime se mund të preket integriteti i votave, por theksoi se kutitë janë të sigurta pasi përmbajnë shirita sigurie dhe një sërë masash të tjera.
“Kjo do të qetësonte edhe subjektet politike, edhe qytetarët sepse jo pa fajin e tyre dyshojnë se diçka në kuti mund të ndodhë, edhe pse ne e dimë se në secilën kuti ka shirita të sigurisë, janë masa të sigurisë, janë nënshkrimet e komisionerëve. E konsideroj të domosdoshme që operatori ekonomik i kontraktuar të veprojë menjëherë për të publikuar rezultatet, sipas termave të referencës dhe kontratës së nënshkruar me institucionin”, ka deklaruar Elshani.
Kryesuesi i KQZ-së, Kreshnik Radoniqi, ka thënë se janë 12 komuna ku nuk ka filluar ende numërimi i votave dhe që shpresohet që nesër, e premte, të nisë.
Ai është pyetur nga gazetarët lidhur me problemet me sistemin e KQZ-së e nëse ka pasur ndërhyrje, ndërsa është përgjigjur se dyshimet e komisionit u janë përcjellë institucioneve përkatëse.
“Kjo çështje tash është në duar të policisë dhe prokurorë. Pa e marrë raportin nga ta ne nuk mund të japim informacione se nuk i kemi. I kemi disa dyshime tona por ato i janë përcjellë institucioneve”.
Radoniqi ka shtuar se procesi i numërimit të votave për kandidatë mund të zgjasë 10 deri në dy javë.
E Sekretariati i KQZ-së ka thënë se verifikimi i votave të diasporës mund të zgjasë 10 ditë.
Mbledhja e KQZ-së po vazhdon.
