Kryetari i Aleancës për Ardhmërinë e Kosovës, Ramush Haradinaj, e ka kritikuar kryeministrin Albin Kurti i cili deklaroi se “SHBA-ja nuk duhet të presë që ai do ta shohë Serbinë me sytë e Departamentit të Shtetit”.
Në një postim në Facebook, Haradinaj ka thënë se Kurti flet në emrin e tij, e jo të Kosovës.
“Ai ka kohë që nuk e përfaqëson qëndrimin e këtij populli. Duhet të jesh shumë smirëzi të thuash ‘mos të presë Amerika që unë ta shoh Serbinë me sytë e saj’”, ka shkruar Haradinaj. “Sytë e Amerikës kanë qenë pilotët e saj që e kanë shpëtuar një popull nga zhdukja, o i mjerë”.
