Dy pjesëtarët e Ushtrisë së Malit të Zi të arrestuar së fundmi në Kosovë do të suspendohen dhe do të fillojë procedura disiplinore për mosinformimin e eprorëve se do të udhëtojnë jashtë vendit, ka raportuar “Vijesti” të mërkurën.
Rajko Krivokapiq, 34 vjeç dhe Dragutin Llallatoviq, 24 vjeç u arrestuan për shkak se targat e automjetit me të cilin kishin shkuar në Manastirin e Deçanit më 24 nëntor, mbanin mbishkrimin “Kosova është Serbi”. Bashkë me dy ushtarët u arrestua edhe Marinko Jovanoviq, 24 vjeç. Aktualisht, janë në paraburgim në Kosovë pasi dyshohet se kanë kryer veprën penale të nxitjes së urrejtjes dhe intolerancës.
Sipas burimeve të “Vijesti”, Krivokapiq dhe Llallatoviq nuk e kanë njoftuar komandën e tyre se do të shkojnë në Kosovë, ashtu siç janë të detyruar sipas ligjit.
Njëri nga ushtarët e arrestuar ishte në pushim mjekësor që nga tetori, ndërsa tjetri kishte marrë pushim mjekësor pak para incidentit në Kosovë.
Nuk është e qartë se si dy ushtarët ishin zyrtarisht në pushim mjekësor dhe mundën të udhëtonin jashtë vendit.
Pas suspendimit, ata nuk do të marrin dy të tretën e pagës.
Vendimi ende nuk është zyrtar, pasi Ministria e Mbrojtjes së Malit të Zi ka thënë se po pret që dy ushtarët të raportojnë para autoriteteve malazeze përpara se të suspendohen.
“Procedimi disiplinor nuk mund të fillohet në bazë të raportimeve të mediave”, ka thënë burimi i “Vijesti”.
Suspendohen 2 ushtarët malazias të cilët shkuan në Manastirin e Deçanit me targat “Kosova është Serbi”
Foto: Ilustrim
Dy pjesëtarët e Ushtrisë së Malit të Zi të arrestuar së fundmi në Kosovë do të suspendohen dhe ndaj tyre do të fillojë procedura disiplinore për mos informimin e eprorëve se do të udhëtonin jashtë vendit, ka raportuar “Vijesti”.
Rajko Krivokapiq, 34 vjeç dhe Dragutin Llallatoviq, 24 vjeç, u arrestuan për shkak se targat e automjetit me të cilin kishin shkuar në Manastirin e Deçanit më 24 nëntor, mbanin mbishkrimin “Kosova është Serbi”.
Ata janë në paraburgim pasi dyshohet se kanë kryer veprën penale të nxitjes së urrejtjes dhe mosdurimit.
Zëdhënësi i Prokurorisë Themelore në Pejë, Shkodran Nikçi, tha se dy të dyshuarit kanë përdorur gjuhë të urrejtjes edhe ndaj zyrtarëve policorë gjatë intervistimit, andaj prokuroria kërkoi paraburgimin e tyre, gjë që edhe e miratoi Gjykata Themelore në Pejë.
Në këtë institucion kanë treguar se për rastin i kanë kërkuar Prokurorisë Speciale që ta marrë, meqë përputhet me kompetencën e saj, për t’i trajtuar lëndët në kapitullin e veprave penale kundër rendit kushtetues dhe sigurisë së Kosovës.
E Prokuroria Speciale e kontaktuar nga KOHA gjatë pasdites, nuk është përgjigjur nëse e ka trajtuar këtë kërkesë apo jo.
KOHA e ka konfirmuar me Gjykatën e Apelit se të mërkurën mbrojtësit e dy të dyshuarve kanë parashtruar ankesë ndaj masës së paraburgimit.
Demokracia e Re Serbe (NSD), Partia që e udhëheq kryetari i Kuvendit të Malit të Zi, Andrija Mandiq, ka reaguar lidhur me arrestimin.
“Ky incident është vetëm një nga rastet e shumta të terrorit ndaj popullit serb në Kosovë, i cili tashmë është shtrirë edhe ndaj qytetarëve të Malit të Zi”, thuhet në reagim.
Edhe Kisha Ortodokse Serbe në Mal të Zi ka reaguar lidhur me arrestimin dhe paraburgimin e dy shtetasve malazias dhe i ka kërkuar reagim institucioneve të Malit të Zi.
