Disa prej lagjeve të kryeqytetit të hënën pritet të mbesin pa ujë për të paktën pesë orë.
Kompania Rajonale e Ujësjellësit “Prishtina”, ka njoftuar se probleme të furnizimit me ujë do të kenë rruga “Ndue Përlleshi”, “Qëndresa”, “Lagjja e Muhaxhirëve” dhe lagjja “Ulpiana” në Prishtinë.
Kjo për shkak të ndalimit të pompave.
“Me qëllim të rritjes së kapaciteteve në stacionin e pompimit në Park, jemi të detyruar që nesër nga ora 11:00 deri në orën 16:00 të ndalim pompat. Nga kjo ndalje do të ketë mungesë të furnizimit me ujë në rrugën ‘Ndue Përlleshi’, ‘Qëndresa’, ‘Lagjja e Muhaxhirëve’ dhe lagjja Ulpiana në Prishtinë”, thuhet në njoftim.
