Dështon shqyrtimi fillestar ndaj dy të akuzuarve për krime lufte në Vushtrri

Ka dështuar shqyrtimi fillestar ndaj dy të akuzuarve për krime lufte në rajonin e Vushtrrisë në Gjykatën Themelore në Prishtinë të enjten.

Gjykata ka konstatuar se mbrojtja nuk është pajisur me shkresat e lëndës.

Gjyqtari Lutfi Shala ka thënë se Prokuroria Speciale është e obliguar që t'i pajisë avokatët me të gjitha provat brenda shtatë ditësh.

Seanca është shtyrë për 11 qershor.

Dragan Miloviq e Zoran Kostiq, të akuzuar për krime lufte në rajonin e Vushtrrisë, akuzohen ndër të tjera edhe për vrasje në Reznik. 

Prokuroria Speciale i ka ngritur aktakuzë atyre më 15 maj.