Deri në dy orë po presin qytetarë për të hyrë në Kosovë nga pikëkalimi te Dheu i Bardhë të mërkurën. E, për të dalë përmes kësaj pike po u duhen deri në 20 minuta.
Kolona e automjeteve është 900 metra në hyrje, thuhet në të dhënat e Qendrës Kombëtare për Menaxhim Kufitar.
Në pikëkalimet e tjera nuk ka të dhënat për pritje shumë të gjata. Në Muçibabë në hyrje po presin gjysmë ore e për të dalë 40 minuta.
E, në pikat e tjera kufitare për të kaluar në dhe jashtë Kosovës pritjet janë nga 5 deri në 10 minuta.
