Bie një dron në Mitrovicë, nuk raportohet për dëme

Kryetari i Mitrovicës, Bedri Hamza, ka konfirmuar për KOHËN rënien e një droni në lagjen e këtij qyteti, Bair. Ai deklaroi të mërkurën se sipas informacioneve, droni nuk ka shkaktuar ndonjë dëm, derisa me rastin po merren organet përgjegjëse.

“Mund t’ju them se një dron ka rënë në lagjen Bair të Mitrovicës. Policia dhe organet po merren me rastin. Nga informacionet që kam, nuk ka shkaktuar ndonjë dëm. Besoj se organet do të dalin me sqarim rreth rastit”, tha Hamza.

KOHA ka tentuar të marrë konfirmim nga Policia e Kosovës, por zëdhënësit e saj kanë qenë të paqasshëm deri në momentin e raportimit.