Në mbledhjen e Qeverisë të mërkurën, Arben Krasniqi është emëruar në pozitën e sekretarit të Zyrës së Kryeministrit.
Krasniqi e ushtronte pozitën e sekretarit në Kryeministri si ushtrues detyre që nga viti 2021.
Ai e pati zëvendësuar Fitim Krasniqin, të cilit nuk iu vazhdua mandati kur erdhi Qeveria Kurti. Krasniqi kishte punuar për 15 vjet si sekretar në Zyrën e Kryeministrisë.
Qeveria e Kosovës gjithashtu ka ndarë 15 milionë euro komunave për të mbuluar pagat në sektorin e arsimit.
Ministri i Financave, Hekuran Murati, tha se ekzekutivi po iu del në ndihmë komunave që s’kanë arritur të mbulojnë pagat, kryesisht për sektorin e arsimit që rrjedhin nga kontrata kolektive.
Ky vendim u bë në kuadër të kërkesës për kursime dhe ndarje.
Në mbledhjen e sotme të Qeverisë janë marrë edhe disa vendime të tjera.
