Ambasadori britanik në Kosovë, Jonathan Hargreaves, ka bërë thirrje për Serbinë që të marrë masat e nevojshme që autorët e sulmit në Banjskë më 24 shtator 2023, me në krye Milan Radoiçiq, të sillen para drejtësisë.
Hargreaves ka kujtuar rreshterin e Policisë së Kosovës, Afrim Bunjaku, i cili u vra në këtë sulm.
Ai tutje ka lavdëruar punën e Policisë për vendosjen e rendit atë ditë, si dhe prokurorëve që kanë ngritur aktakuzë lidhje me rastin.
“Sot bëhet një vit nga vrasja e policit Afrim Bunjaku dhe ngjarjet tronditëse që ndodhën në Banjskë. I bëj nder profesionalizmit dhe trimërisë së Policisë së Kosovës për veprimin e tyre për të rivendosur rendin më 24 shtator 2023 dhe prokurorëve të Kosovës për punën e tyre duke ngritur aktakuzë. Britania e Madhe vazhdon të kërkojë që autorët e këtij sulmi, përfshirë Milan Radoiçiq, të kapen dhe të sillen para drejtësisë. Ne përsërisim thirrjen tonë ndaj Serbisë që të marrë masat e nevojshme për të siguruar që kjo të ndodhë sa më shpejt të jetë e mundur”, ka shkruar ai në llogarinë e tij në “X”.
Today marks a year since the killing of police officer Afrim Bunjaku and the shocking events that took place at Banjska.
I pay tribute to the professionalism and bravery of the Kosovo Police for their action to restore order on 24 September 2023, and to 🇽🇰 prosecutors
1/2 pic.twitter.com/1owK6OSGPq— Jonathan Hargreaves (@jonhargreaves67) September 24, 2024
Italia rithekson se kryesit e krimit në Banjskë do të mbahen përgjegjës
Ndërkohë, Ambasada e Italisë në Kosovë përmes platformës X ka përkujtuar policin Afrim Bunjaku. Italia ritheksoi qëndrimin se përgjegjësit për sulmin dhe vrasjen e Bunjakut duhet të dalin para drejtësisë.
“Le ta kujtojmë dhe nderojmë kujtimin për rreshterin e Policisë së Kosovës, Afrim Bunjaku, i vrarë në mënyrë frikacake në sulmin e Banjskës vitin e kaluar. Italia rikonfirmon qëndrimin se ata që janë përgjegjës për këtë krim të tmerrshëm, bashkë me të gjithë të përfshirit, do të mbahen përgjegjës plotësisht”, thuhet në postimin e ambasadës.
Let’s remember and honor the memory of @Kosovo_Police Officer Afrim Bunjaku, cowardly murdered in the Banjska attack a year ago. 🇮🇹 reaffirms its stance that those responsible for this terrible crime, along with everyone involved, will be held completely accountable. pic.twitter.com/NErrwaHRQQ
