Qëndrim Zyba e ka regjistruar asistimin e tretë këtë edicion në elitën e futbollit çek.
Zyba e ndihmoi me asistim skuadrën e Liberecut në fitoren 2:0 ndaj Hradec Kralove.
Kjo ndeshje i takoi javës së 29-të.
Zyba në lojë u inkuadrua në minutën e 59-të kurse asistimin e bëri te goli i dytë që e realizoi Lukas Letenay në minutën e 96-të.
Krahas tri asistimeve, reprezentuesi i Kosovës ka edhe tre gola të shënuar.
Liberecu ka 42 pikë dhe e zë vendin e gjashtë.
Hradec Kralove është një pozitë më poshtë me dy pikë më pak.
