Bayer Leverkuseni ka kohë që pret një titull. Sezoni 2001/2002 kur Leverkuseni fitoi “trefishin e argjendtë”, në Bundesligë, Kupë dhe Ligën e Kampionëve, do të mbetet i paharruar. Por tani gjërat janë ndryshe. Në rastin më ekstrem, edhe pa fitore të mëtejshme. Si?
“Blick” ka publikuar një skemë sesi Granit Xhaka me Leverkusenin mund ta fitojnë “tripletën”.
Bundesliga
Leverkuseni është 13 pikë përpara Bayern Munchenit. Asnjëherë më parë nuk ka humbur një klub titullin e Bundeligës, kur kishte një avantazh të tillë. Klubi është gjithashtu në rrugën e duhur për rekorde. Një sezon i plotë pa humbje nuk ka ndodhur kurrë më parë.
Leverkuseni mund ta fitojë titullin pas dy ndeshjeve. Për ta bërë këtë, Leverkuseni duhet të fitojë kundër Union Berlinit dhe Werder Bremenit dhe Bayerni të humbë dy ndeshje kundër Heidenheimit dhe Koelnit.
Skenari më i mundshëm është që trofeu i titullit të fitohet një xhiro më vonë, më 21 prill në Dortmund.
Edhe nëse Leverkuseni nuk fiton një ndeshje tjetër, mund të mjaftojë për titull, por jo me forca të veta. Nëse Granit Xhaka dhe shokët e tij barazojnë shtatë herë, Bayerni do të duhet të fitojë të gjitha ndeshjet për t’u bërë kampion.
Gjasat për titull, Leverkuseni i ka 99 %.
Kupa e Gjermanisë
Gjërat po duken mirë edhe në Kupë për Leverkusenin. Pas fitores komode 4:0 në gjysmëfinale kundër Fortuna Dusseldorfit të mërkurën, në finalen e 25 majit përballet kundër Kaiserlauternin e Kategorisë së Dytë. Skuadra e Kaiserit po lufton për mbijetesë. Nëse Leverkuseni fiton vetëm në penallti, nuk do t’i duhej një fitore as për këtë trofe – një sukses në penallti nuk regjistrohet statistikisht si fitore.
Gjasat për ta fituar Kupën i ka 90 %.
Liga e Evropës
Trofeu ndërkombëtar ka të ngjarë të jetë arrë e vështirë për Leverkusenin. Favoriti kryesor Liverpooli është ende në garë. Bayeri do të përballet me West Hamin në çerekfinale. Në gjysmëfinale do të përballej me Milanin ose Romën përpara finales kundër kundërshtarit të mundshëm Liverpoolit të Jurgen Kloppit në Dublin më 22 maj.
Titulli pa fitore është teorikisht i mundur edhe në Ligën e Evropës. Për ta bërë këtë, Leverkuseni duhet të barazojë pesë herë radhazi – duke përfshirë tri herë shtesë – dhe të fitojë tri herë nga penalltitë.
Gjasat për trofeun e Ligës së Evropës i ka 40 %.
Granit Xhaka dhe Alejandro Grimaldo kanë më së shumti trofe në klub.
LEXO EDHE:
