Në ndeshjen e kaluar mes Kosovës dhe Rumanisë, rreth 40 huliganë rumunë ishin në stadiumin “Fadil Vokrri” në Prishtinë. Ata bënë thirrje turpëruese si “Kosova është Serbi” dhe u larguan me forcë nga stadiumi nga forcat e policisë. Nuk kishte raportime për ndonjë konflikt të huliganëve rumunë me tifozët e Kosovës.
Kosova e Rumania luajnë të premten sërish në “Fadil Vokrri” në kuadër të edicionit të ri të Ligës së Kombeve.
Dhe udhëheqësi i tifozëve të Kosovës, “Dardanët”, Lulzim Berisha, ka folur për mediat rumune për provokimet e mundshme.
“Nëse dikush mendon se mund të përsëris gjëra të tilla në Prishtinë, do të marr atë që e meriton nga autoritetet. Forcat e sigurisë dhe policia dinë si të bëjnë punën e tyre ligjërisht. Nuk është mirë të ketë sfida, por ka shumë tifozë të pamatur në ato grupe. Shpresojmë të mos ketë më probleme dhe publiku i qytetëruar të lejohet ta shikojë shfaqjen në fushë”, ka thënë Berisha për “gsp.ro”.
Ai ka folur edhe për interesimin e madh të tifozëve për ta parë ndeshjen e Kosovës me Rumaninë.
