Torino me mbrojtësin e Kosovës, Mërgim Vojvodën, e kanë ndalur në barazim Bolognan.
Ndeshja e zhvilluar të premten mbrëma e që i takoi xhiros së 35-të të elitës së futbollit italian, është mbyllur pa gola.
Vojvoda e kompletoi ndeshjen.
Torino ka 47 pikë pas 35 ndeshjeve dhe zë vendin e dhjetë.
Bologna, pavarësisht barazimit, mbetet në vendin e katërt me 64 pikë.
Bologna nuk di për humbje në shtatë xhirot e fundit ku ka katër barazime e tri fitore.
Për Torinon ishte barazimi i tretë në pesë ndeshjet e fundit, ku i ka edhe dy humbje.
Fitoren e fundit, Torino e ka shënuar më 30 mars.
