(E përditësuar) - Skuadra e Llapit e ka shënuar fitoren e tretë rresht në të gjitha garat.
Llapi të mërkurën pasdite e mposhti në shtëpi Feronikelin 74 me rezultatin, 1:0.
Kjo ndeshje i takoi javës së 29-të të Superligës së Kosovës në futboll.
Llapi me këtë fitore i është larguar zonës së rrezikshme.
Tashmë ka 36 pikë dhe e zë vendin e shtatë.
36 pikë i ka edhe Dukagjini që është një pozitë më poshtë.
Feronikeli 74 mbetet në pozitën e fundit me vetëm 14 pikë dhe me shumë gjasa nga edicioni i ardhshëm do të bëjë gara në kategorinë e dytë të futbollit kosovar.
Golin e fitores për skuadrën llapjane e realizoi qendërsulmuesi Ardit Tahiri nga penalltia në minutën e 45-të.
Llapi të mërkurën e ardhshme do ta luaj ndeshjen e dytë gjysmëfinale të Kupës së Kosovës ndaj Drenicës në udhëtim.
Ndeshjen e parë gjysmëfinale, skuadra e drejtuar nga trajneri, Tahir Batatina, e fitoi në stadiumin “Zahit Pajaziti”, me rezultatin 2:0.
Tahiri shënon gol për Llapin ndaj Feronikelit 74
Ardit Tahiri e ka shënuar golin e vetëm në pjesën e parë për skuadrën e Llapit që është duke fituar 1:0 ndaj Feronikelit 74.
Ndeshja po zhvillohet në stadiumin “Zahir Pajaziti” në Podujevë dhe i takon xhiros së 29-të të Superligës së Kosovës në futboll.
Tahiri realizoi në minutën e 45-të nga penalltia.
