Llapi fitoi 1:0 ndaj skuadrës gjilanase.
Pas një aksioni që nuk premtoi shumë, i vetëm në zonë mbeti Blend Baftiu.
Baftiu në minutën e katërt të kohës shtesë gjuajti fuqishëm drejt portës, por devijimi i Mesas bëri që topi të përfundojë prapa shpinës së portierit Faton Maloku.
Llapi me fitore tani ka shtatë pikë në pesë ndeshje dhe zë vendin e pestë.
Drita që e zhvilloi vetëm ndeshjen e dytë të edicionit aktual në Superligë pas angazhimit në kualifikimet e Ligës së Konferencës, ka tri pikë dhe zë vendin e tetë.
Në xhiron e parë fitoi ndaj Ferizajt.
Në xhiron e gjashtë, Llapi luan në udhëtim te Ferizaj, ndërsa Drita e zhvillon derbin me Ballkanin.
Fitore e madhe e Malishevës në Klinë
Skuadra e Malishevës e ka shënuar fitoren e tretë radhazi këtë edicion në Superligën e Kosovës në futboll. Të dielën, Malisheva si mysafire e mposhti Dukagjinin me rezultatin 3:1. Ndeshja i takoi xhiros së pestë të elitës së futbollit kosovar.
Në minutën e shtatë të ndeshjes, Vesel Limaj shënoi për 1:0 nga goditja e lirë.
Vendësit i barazuan shifrat në minutën e 20-të me golin e Mërgim Pefqelit. Pjesa e parë mbaroi baras 1:1. Ndërsa me fillimin e pjesës së dytë, Malisheva kaloi sërish në epërsi. Arbër Pira realizoi për 2:1.
Golin e fundit në ndeshje për Malishevën e realizoi Laurent Xhylani në minutën e 73-të. Për Dukagjinin ishte disfata e tretë këtë edicion. Ka edhe dy fitore.
Malisheva ndeshjen e ardhshme e ka ndaj Gjilanit më 22 shtator. Dukagjini përballet me Prishtinën më 20 shtator. Ballkani, Malisheva dhe Suhareka kryesojnë me dhjetë pikë.
