Spanja ka mposhtur thellë Irlandën e Veriut në miqësoren e fundit para nisjes së Kampionatit Evropian “Euro 2024”.
5:1 ishte rezultati përfundimtar i ndeshjes së zhvilluar të shtunën në Mallorca.
Pedri realizoi dy gola, ndërsa nga një e shtuan Alvaro Morata, Fabian Ruiz e Mikel Oyarzabal. Tek Irlanda shënoi Daniel Ballard.
Në “Euro 2024”, Spanja është kundërshtare e Shqipërisë në Grupin B. Spanja do ta nisë Evropianin me përballjen e 15 qershorit ndaj Kroacisë. Me Shqipërinë luan në ndeshjen e fundit të grupit më 24 qershor.
Edhe në miqësoren e shkuar, para tre ditësh, Spanja fitoi thellë ndaj Andorrës, 5:0.
