Xherdan Shaqiri e ka regjistruar asistimin e parë në edicionin aktual të elitës së futbollit të Zvicrës.
Asistimi i tij ishte i rëndësishëm pasi Baseli e fitoi derbin ndaj Young Boysit, kampionit në fuqi të Zvicrës, që luajti prej minutës së 40-të pa Sandro Lauperin, i cili u ndëshkua me të kuq.
Baseli të dielën fitoi 1:0 në ndeshjen e xhiros së nëntë.
Shaqiri luajti deri në minutën e 72-të, ndërsa në golin e fitores, asistoi në minutën e 52-të kur shënoi Adrian Leon Barishiq.
Shaqiri e ka edhe një gol të shënuar në Kupën e Zvicrës.
Te Baseli në tërë ndeshjen luajti Leon Avdullahu, kurse Taulant Xhaka u inkuadrua nga minuta e 77-të.
Kastriot Imeri tek Young Boysi luajti vetëm në pjesën e parë.
Baseli pas nëntë ndeshjeve ka 13 pikë, kurse Luzerni, Zuerichu dhe Lugano janë lider me nga 18 pikë.
Ndërkohë në barazimin e Zuerichut 1:1 ndaj Luganos, asistues te vendësit ishte Bledian Krasniqi.
Young Boysi mbetet në pozitën e fundit me vetëm gjashtë pikë në nëntë ndeshje.
