Kapiteni i Kosovës, Amir Rrahmani e ka kompletuar edhe një tjetër ndeshje me Napolin. Napoli të hënë ka barazuar ndaj Udineses me rezultat, 1:1.
Ndeshja e zhvilluar në stadiumin “Bluenergy Stadium” i ka takuar xhiros së 35-të të Seria A.
Nigeriani Victor Osimhen realizoi për 1:0 në minutën e 51-të, ndërsa sulmuesi Isaac Success barazoi shifrat në 1:1 për Udinesen. Ai shënoi në minutën e 92-të.
Napoli renditet në pozitën e tetë me 51 pikë. Udinese është në vend të 18-të me 30 pikë, dhe rrezikon rënien nga liga.
