Nuk ka dhënë fitues derbi i madh i Serie A mes Romës dhe Juventusit.
Ndeshja e së dielës mbrëma i takoi xhiros së 35-të të kampionatit italian, ndërsa përfundoi 1:1.
Roma kaloi në epërsi 1:0 me golin e shënuar në minutën e 15-të nga Romelu Lukaku.
Juve barazoi në minutën e 31-të. Gleison Bremer konkretizoi për 1:1.
Juventusi është i treti me 66 pikë. Roma fitoi pikë të vlefshme në garën për kualifikim në Champions. Është e pesta me 60 pikë, tri më shumë se Atalanta, që ka dy ndeshje më pak të luajtura. Pozita e pestë në Serie A dërgon në Champions.
