Milot Rashica nuk mungoi në asnjërën prej 16 ndeshjeve në fillim të këtij sezoni për Beshiktashin dhe Përfaqësuesen e Kosovës.
Por, mungesën e parë të edicionit, Rashica do ta ketë në fundjavë.
28-vjeçari nuk do të mund ta ndihmojë Beshiktashin të dielën, në duelin në shtëpi ndaj Konyasporit, në ndeshjen e xhiros së nëntë të Superligës turke.
Rashica u lëndua në ndeshjen e fundit me Kosovën, që e mposhti Qipron në stadiumin “Fadil Vokrri” në Prishtinë, 3:0.
Ai u zëvendësua në minutën e 16-të për shkak të problemit muskulor.
Rashica në 12 ndeshje me Beshiktashin këtë edicion ka shënuar një gol, ndërsa ka edhe katër asistime.
