Atletico Madridi i ka arkëtuar pikët e plota në ndeshjen e vlefshme për xhiron e 25-të të La Ligas.
Atletico të shtunën në udhëtim fitoi ndaj Valencias me rezultatin e thellë 3:0.
Dy golat e parë i realizoi Julian Alvarez në minutën e 12-të dhe 30-të.
Golin përfundimtar e shënoi Angel Correa në minutën e 86-të.
Atletico së bashku me Barcelonën dhe Real Madridin janë duke zhvilluar garë të fortë këtë edicion për titull kampioni.
Valencia pas 25 ndeshjeve të zhvilluara ka 23 pikë në vendin e 18-të.
Po lufton për mbetje në ligë.
