Mesfushori kosovar, Florent Muslija është paraqitur nga minuta e 70-të në fitoren e Freiburgut. Të shtunën, Freiburgu e mposhti Heidenheimin me rezultatin 3:0 në kuadër të xhiros së katërt të Bundesligës.
Tre golat e Freiburgut u shënuan në pjesën e dytë. Ritsu Doan në minutën e 54-të shënoi për 1:0. Ndërsa golin e dytë dhe të tretë e realizoi Vincenzo Grifo në minutat 59-të dhe 65-të.
Për reprezentuesin e Kosovës, ishte ndeshja e tretë e zhvilluar këtë edicion në të gjitha garat.
