Javier Mascherano dhe Lionel Messi do të bashkëpunojnë sërish por tashmë jo si bashkëlojtarë. Mascherano ka pranuar që të bëhet trajner i skuadrës së Inter Miamit.
Kështu ka shkruar të premten “One Football”.
Te klubi nga Shtetet e Bashkuarat të Amerikës luajnë edhe Luis Suarez, Jordi Alba dhe Sergio Busquets që në të kaluarën ishin bashkëlojtarë të Mascheranos te Barcelona.
Mascherano dhe Messi ishin bashkëlojtarë edhe te Përfaqësuesja e Argjentinës.
40-vjeçari Mascherano aktualisht është selektor i Përfaqësueses U20 të Argjentinës.
Kontrata i përfundon në fund të muajit të ardhshëm.
Mascherano pritet të nënshkruajë kontratë trevjeçare me Inter Miamin.
