Manaj e shënon golin e 11-të në Superligën e Turqisë

Rey Manaj ka vazhduar formën e mirë në elitën e futbollit turk.

Manaj të shtunën e realizoi golin e 11-të këtë edicion në 25 ndeshjet e zhvilluara deri më tani.

Reprezentuesi i Shqipërisë, Manaj, realizoi gol në fitoren e skuadrës së Sivassporit.

Sivasspori në kuadër të javës së 33-të e mposhti në shtëpi Antalyasporin me rezultatin 2:0.

28-vjeçari Manaj e realizoi golin e fundit në minutën e 75-të. Gëzimi i Manajt ishte shumë i madh.

Ai luajti deri në minutën e 91-të dhe ishte prej më të mirëve te skuadra e tij.

Amar Gërxhaliu ishte në bankën e rezervistëve tek Antalyaspori.

Ish-sulmuesi i Interit, Manaj, krahas 11 golave ka kontribuar edhe me pesë asistime.

Sivasspori renditet në pozitën e 15-të me 34 pikë. Po lufton për mbetje në ligë.

Antalyaspori ka gjashtë pikë më shumë në vendin e 12-të.