Sulmuesi Rey Manaj ka vazhduar të japë kontribut për Sivassporin në Superligën e Turqisë.
Të premten në fitoren 3:1 ndaj Istanbulsporit, Manaj asistoi në golin e tretë. Ndeshja i takoi xhiros së 37-të, përkatësisht të parafundit të elitës turke.
Në fund Manajt iu anulua një gol për pozitë jashtë loje, kurse u vlerësua më i miri.
Në 32 paraqitje këtë edicion, sulmuesi i Shqipërisë ka 18 gola e tri asistime.
