Goli i shënuar nga Donart Vitija e ka vendosur ndeshjen ndërmjet Malishevës dhe Prishtinës.
Malisheva të premten e mposhti Prishtinën me rezultatin 1:0.
Kjo ndeshje i takoi javës së 27-të të Superligës së Kosovës në futboll.
Golin e fitores për vendësit e realizoi Vitija në minutën e dytë.
Xhiron e kaluar, Malisheva u mposht nga Suhareka.
Prishtina në xhiron e kaluar e mposhti Feronikelin 74 pas dhjetë ndeshjeve radhazi që i kishte pa fitore.
Malisheva renditet në pozitën e tretë me 44 pikë.
Prishtina ka nëntë pikë më pak në vendin e katërt.
Malisheva në pushim me epërsinë e një goli
Malisheva ka shkuar në pushim në epërsi prej një goli ndaj Prishtinës.
Pjesa e parë u mbyll 1:0. Golin e vetëm e shënoi Donart Vitija, në minutën e dytë.
Malisheva e befason Prishtinën që në fillim
Malisheva e ka befasuar Prishtinën që në fillim të ndeshjes që i takon xhiros së 27-të të Superligës së Kosovës në futboll.
Donart Vitija ka shënuar në minutën e dytë me goditje të saktë nga zona për rezultatin 1:0.
Ndeshja po luhet në stadiumin “Liman Gegaj” në Malishevë.
