Malisheva e ka fituar ndeshjen e parë të rrethit të parë kualifikues në Ligën e Konferencës.
Malishevasit të enjten fituan 1:0 ndaj skuadrës së Malit të Zi, Buduqnostit.
Ndeshja u zhvillua në stadiumin “Zahir Pajaziti” në Podujevë, ndërsa sfidën e vendosi supergoli i mesfushorit Etnik Brruti.
Brruti në minutën e 67-të për mrekulli e plasoi topin në rrjetë për fitoren në debutim të Malishevës në skenën evropiane.
Malisheva pati edhe disa mundësi tjera shënimi, por nuk arriti që ta mposht portierin e skuadrës nga Podgorica.
Edhe Buduqnosti rrezikoi por nuk konkretizoi.
Katër tentime për gol i pati Malisheva, ndërsa gjashtë i kishte skuadra malazeze.
Ndeshja kthyese zhvillohet më 18 korrik nga ora 21:00 në Podgoricë.
Goal: Etnik Brruti | FC Malisheva 1-0 FK Budućnost pic.twitter.com/jwWquTsHnv
— PushGoals (@PushGoals) July 11, 2024
Malisheva në epërsi, Brruti shënon supergol
Etnik Brruti e ka kaluar në epërsi Malishevën në duelin ndaj Buduqnostit.
Mesfushori Brruti në minutën e 67-të realizoi në mënyrë të përkryer nga distanca.
Malisheva e Buduqnosti luajnë baras në pjesën e parë
Malisheva dhe Buduqnosti kanë luajtur baras në pjesën e parë, në duelin që po luhet në stadiumin “Zahir Pajaziti” në Podujevë.
Malishevasit po marrin pjesë për herën e parë në garat evropiane.
Ndeshja Malisheva – Buduqnosti i takon rrethit të parë kualifikues të Ligës së Konferencës.
Ekipi i drejtuar nga Qëndrim Kida pati dy tentime për gol, ndërsa skuadra malaziase i kishte gjashtë raste.
