Formën e mirë prej tri fitoreve rresht në Superligën e Kosovës, Llapi e ka vazhduar edhe në Kupën e Kosovës.
Llapi të mërkurën gjatë ditës e fitoi edhe ndeshjen kthyese të gjysmëfinales ndaj Drenicës.
Në stadiumin “Bajram Aliu”, njësoj si në ballafaqimin e parë në “Zahir Pajaziti”, Llapi fitoi me rezultatin 2:0 dhe është bërë finalisti i parë i Kupës së Kosovës.
Të dy golat e fitores i shënoi futbollisti i krahut, Arianit Hasani.
Për 1:0, Hasani realizoi në minutën e 66-të me asistim të futbollistit të talentuar, Elvir Gashijani.
Në golin për 2:0 asistoi Ardit Tahiri, kur Hasani shënoi supergol me gjuajtje të fuqishme e të saktë nga distanca.
Llapi është i vetmi ekip që në finale kaloi pa e pranuar asnjë gol në edicionin aktual të Kupës së Kosovës.
Në 1/16 e finales së Kupës fitoi 4:0 ndaj Flamurtarit.
Me rezultatin 2:0 e eliminoi Vushtrrinë në një të tetën e finales, kurse në çerekfinale e kaloi Malishevën pas fitores 1:0.
Ndërkohë, Drenicën e mposhti në të dyja ndeshjet me rezultatin 1:0.
Në finale, Llapi takohet me fituesin e ballafaqimit Prishtina – Drita. Prishtina ka epërsi nga ndeshja e parë e zhvilluar në Gjilan, pasi fitoi 1:0.
Ndeshja Prishtina – Drita luhet sonte nga ora 20:00, në stadiumin “Fadil Vokrri” në Prishtinë.
Supergol i Hasanit
Arianit Hasani e ka shënuar edhe një tjetër gol për Llapin që po fiton 2:0 ndaj Drenicës në “Bajram Aliu”.
Hasani shënoi në minutën e 77-të me gjuajtje të saktë e të fuqishme nga distanca. Te goli i dytë asistues ishte Ardit Tahiri.
Llapi është duke udhëhequr 4:0 me rezultatin e përgjithshëm dhe tani vetëm pritet konfirmimi në finalen e Kupës së Kosovës.
Llapi në epërsi, Hasani shënon me asistim të Gashijanit
Arianit Hasani ka shënuar gol për Llapin ndaj Drenicës.
Golin për 1:0 e realizoi futbollisti i krahut, Arianit Hasani.
Hasani realizoi në portën e skuadrës kundërshtare në minutën e 66-të, me asistim të të talentuarit, Elvir Gashijani.
Llapi i afrohet finales së Kupës
Llapi i është afruar finales së Kupës së Kosovës në futboll, pasi pjesa e parë e ndeshjes kthyese të gjysmëfinales në udhëtim te Drenica është mbyllur pa gola.
Llapi ka epërsi 2:0 nga ndeshja e parë e gjysmëfinales së Kupës, e zhvilluar në “Zahir Pajaziti” në Podujevë.
Në ndeshjen që po luhet të mërkurën në stadiumin “Bajram Aliu” në Skënderaj, të dyja skuadrat patën raste për shënim.
