Llapi i trajnerit Tahir Batatina e ka fituar ndeshjen e parë të gjysmëfinales së Kupës së Kosovës ndaj Drenicës që udhëhiqet nga trajneri Bylbyl Sokoli.
Llapi të enjten gjatë ditës fitoi me rezultatin 2:0, në ndeshjen që u zhvillua në stadiumin “Zahir Pajaziti” në Podujevë.
Ndeshja kthyese zhvillohet më 23 prill.
Arbër Bytyqi realizoi për 1:0 në minutën e 29-të, ndërsa goli u pranua vetëm pas rishikimit të situatës në VAR.
Antonio Marku në minutën e 36-të shënoi autogol, për fitoren 2:0 të Llapit.
