Prishtina i bashkohet Ballkanit në finale
Prishtina i është bashkuar Ballkanit në finale të Kupës së Kosovës dhe e ka rastin që ta mbrojë trofeun e fituar vitin e kaluar.
Prishtina të mërkurën e eliminoi Dritën në gjysmëfinale, pasi fitoi 1:0 në vazhdime.
Ndeshja e parë përfundoi 0:0.
Gola nuk pati as në kohën e rregullt në Gjilan dhe ndeshja u vendos në vazhdimet dy herë nga 15-të minuta.
Në minutën e 111-të, autogoli i mesfushorit Albert Dabiqaj e vendosi sfidën.
Prishtina në finale do të luajë kundër Ballkanit që të mërkurën e eliminoi Suharekën.
Prishtina e Ballkani u takuan në fillim të vitit në Superkupën e Kosovës.
Prishtina kishte fituar 2:1.
Prishtina është tetë herë fituese e Kupës së Kosovës.
Njërën prej kupave e kishte fituar në edicionin 2019/20, kur në finale e kishte mposhtur Ballkanin, 1:0.
Nga ora 15:00 kanë nisur dy ndeshjet e kthimit të gjysmëfinales së Kupës së Kosovës. Ballkani luan me Suharekën, ndërsa Drita e pret Prishtinën.
Ndiqni rezultatet në kohë reale.
Drita – Prishtina 0:1
Albert Dabiqaj autogol 111'
Shkon në vazhdime Drita - Prishtina
Ballkani në finale të Kupës së Kosovës
Kampioni në fuqi i Kosovës, Ballkani ka kaluar në finale të Kupës së Kosovës. Ballkani eliminoi Suharekën në gjysmëfinale të Kupës.
Ndeshja e dytë gjysmëfinale e zhvilluar të mërkurën në mes të dy skuadrave të qytetit të Suharekës përfundoi baras 2:2. Por kalimin tutje skuadra e Ballkanit e siguroi falë fitores së arritur në ndeshjen e parë me rezultatin 1:0. Hentrit Halili shënoi golin e parë për Ballkanin. Ai realizoi me kokë në minutën e 10-të, ndërsa për 2:0 në minutën e 74-t realizoi Nazmi Gripshi. Suhareka u kthye me dy gola në finish të takimit. Dy golat e barazimit i shënoi Fitim Susuri. Të parin në minutën e 82-të, kurse të dytin në minutën e 91-të.
Ballkani - Suhareka 2:2
Fitim Susuri 91'
Ballkani - Suhareka 2:1
Fitim Susuri 82'
Ballkani - Suhareka 2:0
Nazmi Gripshi 74'
Ballkani 1:0 Suhareka (1:0)
(Gentrit Halili 10')
Drita 0:0 Prishtina (0:0)
*Në kllapa, rezultatet nga ndeshja e parë
