Një gol i shënuar që në minutën e katërt e ka vendosur ndeshjen mes Arsenalit dhe Paris Saint-Germainit. Kampioni i Francës, Parisi, e fitoi 1:0 ndeshjen e parë gjysmëfinale të Ligës së Kampionëve.
Ndeshja e kthimit është më 7 maj në “Parkun e Princave”, por fitorja e së martës mbrëma e afron Parisin me finalen e madhe të Ligës së Kampionëve.
Ousmane Dembele e shënoi golin e fitores për Parisin. Ai realizoi me një goditje të saktë, pasi u shërbye nga Khvicha Kvaratskhelia.
Në përgjithësi lojtarët e PSG-së kanë shfaqur më shumë në stadiumin “Emirates” në Londër, ndonëse edhe “topçinjtë” kishin momentet e tyre. Deri në minutën e 35-të mysafirët dominuan plotësisht. Më pas nisën të reagojnë lojtarët e Arsenalit.
Në minutën e 45-të, Gabriel Martinelli kishte rast të mirë, por Gianluigi Donnarumma e mbajti portën e Parisit të paprekur.
Në fillim të pjesës së dytë Arsenalit iu anulua një gol për pozitë jashtë loje. Mikel Merino e dërgoi topin në rrjetë, por ishte në ofsajd.
Tjetër pritje impresive, Donnarumma kishte në minutën e 56-të, kur provoi Leandro Trossard.
Dembele vendos rekord për Parisin në Champions
Paris Saint-Germaini mposhti Arsenalin në ndeshjen e parë gjysmëfinale të Ligës së Kampionëve.
Golin e fitores 1:0 në “Emirates” të martën mbrëma, e realizoi Ousmane Dembele në minutën e katërt.
Goli u shënua pas 26 pasimeve. Dhe sipas “Opta Analyst” që merret me statistikat e lojtarëve dhe ndeshjeve, ishte rekord në Champions për PSG-në.
“Goli i Ousmane Dembeles erdhi pas 26 pasimeve. Është rekord i vendosur nga Paris Saint-Germaini në një ndeshje të Ligës së Kampionëve, që prej edicionit 2003/04”, shkruan kjo faqe në platformën “X”.
Ndeshja kthyese luhet pas një jave.
Më i miri i ndeshjes, as Dembele e as Donnarumma
Photo: Associated Press
UEFA ka vendosur për më të mirin e ndeshjes Arsenal – PSG. Nuk është Ousmane Dembele që shënoi golin, apo Gianluigi Donnarumma, që shpëtoi dy herë skuadrën e Parisit.
Më i miri është shpallur mesfushori Vitinha. Ai kishte saktësi prej 100 për qind në pasime. Vrapoi 11.2 kilometra, ndërsa arriti shpejtësi maksimale prej 31, 7 kilometra në orë.
Anulohet goli i Arsenalit
Është anuluar goli i Arsenalit i shënuar në minutën e 47-të.
Mikel Merino e dërgoi topin në rrjetë, por pas rishikimit të situatës në VAR, goli u anulua për pozitë jashtë loje.
⚽️ GOAL: Merino
— Goals Xtra (@GoalsXtra) April 29, 2025
🇪🇺 Arsenal 1-1 PSGpic.twitter.com/1hGQlIEZ5z
Arsenali fillon të reagojë por rezultati mbetet 1:0 për PSG-në
Ka përfunduar pjesa e parë e ndeshjes mes Arsenalit dhe PSG-së. Rezultati mbetet 1:0 për skuadrën franceze.
Skuadra e Luis Enriques dominoi në 35 minutat e parë dhe krijoi raste të shumta. Kaloi në epërsi 1:0 që në minutën e katërt me golin e Ousmane Dembeles.
Por në dhjetë minutat e fundit të pjesës së parë londinezët rreshtuan sulmet. Madje iu afruan shumë pranë golit. Në minutën e parë shtesë, Gabriel Martinelli gjuajti bukur, por Gianluigi Donnarumma shpëtoi Parisin.
Parisi po dominon plotësisht ndaj Arsenalit
PSG-ja po dominon në ndeshjen ndaj Arsenalit në “Emirates”.
Pas gjysmë ore lojë, posedimi është 64-36 për parisienët. Parisi ka krijuar gjashtë raste, ndërsa Arsenali vetëm një. Rezultati mbetet 1:0 për Parisin.
Portieri David Raya ka shpëtuar Arsenalin pas gjysmë ore lojë.
Fillim i furishëm, Parisi në epërsi
Ka nisur furishëm ndeshja Arsenal – PSG.
Parisienët kanë realizuar për 1:0 në minutën e katërt. Ousmane Dembele shënoi me asistim të Khvicha Kvaratskhelia.
VIDEO:
⚽️ GOAL: Dembele
🇪🇺 Arsenal 0-1 PSGpic.twitter.com/XbrErULgPf
Formacionet zyrtare: Arsenal – PSG
Arsenali dhe Paris Saint-Germanini kanë publikuar formacionet zyrtare për gjysmëfinalen e parë që do të zhvillohet në “Emirates” nga ora 21:00,
Arsenal: Raya; Timber, Saliba, Kiwior, Lewis-Skelly; Rice, Merino, Odegaard; Saka, Trossard, Martinelli.
Banka rezervë: Neto, Setford, Tierney, White, Zinchenko, Sterling, Butler-Oyedeji, Henry-Francis, Kabia, Nwaneri.
PSG: Donnarumma; Hakimi, Marquinhos, Pacho, Nuno Mendes; Vitinha, Joao Neves, Fabian Ruiz; Doue, Kvaratskhelia, Dembele.
Banka rezervë: Safonov, Tenas, Kimpembe, Goncalo Ramos, Lee, Lucas Hernandez, Mayulu, Barcola, Zaire-Emery, Lucas Beraldo, Mbaye.
