Sulmuesi i Kosovës, Vedat Muriqi ka pësuar lëndim muskulor dhe pritet t’i mungojë Mallorcas për tri deri në katër javë. Kështu ka raportuar të shtunën “Estadio Deportivo”.
Për skuadrën e Mallorcas, lëndimi i Muriqit nuk është lajm i mirë, pasi reprezentuesi i Kosovës është shumë i rëndësishëm për skuadrën në repartin ofensivë.
Muriqi pritet ta humbasë ndeshjen ndaj Real Betisit që zhvillohet të hënën nga ora 21:00. Ai do të mungojë edhe disa ndeshje për shkak të lëndimit.
Muriqi në gjashtë ndeshje të zhvilluara këtë edicion ka një gol të shënuar dhe ka bërë një asistim.
