Lazio e ka fituar me vështirësi ndeshjen e javës së katërt të Serie A italiane. Lazio të hënën mbrëma në Romë mposhti Veronan me rezultatin 2:1.
Boulaye Dia shënoi golin e parë për Lazion në minutën e pestë, kurse dy minuta më vonë rezultatin në 1:1 e barazoi Verona nëpërmjet Casper Tengstedtit. Në minutën e 20-të, Lazio sërish shënoi gol. Goli i shënuar nga Valentin Castellanos doli të ishte vendimtar për fitoren e Lazios 2:1.
Lazio zë vendin e gjashtë me shtatë pikë, kurse Verona një pozitë më poshtë me një pikë më pak.
