Manchester Unitedi dhe Newcastle United nuk arritën që t’i kalonin grupet, ndërsa Arsenali dhe Manchester City u ndalën në çerekfinale.
Por trofeu i çmuar i Ligës së Kampionëve do të shkojë në duart e një anglezi.
20-vjeçari Jude Bellingham është titullar te Reali, kurse Jadon Sancho, 24-vjeçar, është titullar te Borussia Dortmundi.
Një tjetër anglez, Jamie Bynoe-Gittens, 19-vjeçar, është në bankën rezervë te gjermanët.
Tre vjet më parë, Bellingham dhe Sancho ishin bashkëlojtarë dhe ndihmuan skuadrën e Dortmundit ta fitojë Kupën e Gjermanisë.
Sonte do të luajnë kundër njëri-tjetrit për trofeun më të çmuar, në stadiumin nacional të Anglisë.
