Kombëtarja e Shqipërisë në futboll po i vazhdon përgatitjet në Austri për Euro 2024.
Selektori Sylvinho të mërkurën i kishte nën urdhra të gjithë lojtarët. Sipas njoftimit të FSHF-së, të gjithë lojtarët gëzojnë formë të mirë fizike dhe në ndeshjen e së premtes ndaj Azerbajxhanit do të jenë të gatshëm edhe Berat Gjimshiti, Taulant Seferi, Amir Abrashi, Ylber Ramadani e Simon Simoni.
Të gjithë këta u lanë në pushim për miqësoren ndaj Lihtenshtajnit.
Miqësorja me Azerbajxhanin zhvillohet në Hungari, të premten nga ora 19:00.
Më pas kuqezinjtë marrin rrugë për në Gjermani.
