Bayern Munichu fitoi thellë në udhëtim te Holstein Kieli të shtunën në xhiron e tretë të Bundesligës, ndërsa sulmuesi anglez, Harry Kane, realizoi “hat-trick”.
Bavarezët fituan 6:1 dhe dominimi nisi që nga minuta e parë kur shënoi Jamal Musiala.
Kapiteni i Anglisë, Kane, golin e parë në ndeshje dhe të dytin për skuadrën e tij e shënoi pas gjashtë minutash.
Nicolai Remberg shënoi autogol për 3:0, kurse Kane e dërgoi skuadrën e tij në pushim me epërsi prej katër golave, pas shënimit në minutën e 43-të.
Në minutën e 65-të në listën e golashënuesve hyri edhe francezi Michael Olise.
Armin Gigoviq shënoi për 5:1 në minutën e 82-të, kurse Kane në minutën e parë të kohës shtesë, ishte i saktë nga penalltia për fitoren e thellë 6:1.
Bayerni aktualisht është skuadra e vetme në Bundesligë me nëntë pikë nga tri ndeshje.
Përcillet nga Dortmundi e Leipzigu që kanë nga shtatë pikë.
