Interi do të jetë pa njërin prej mbrojtësve kryesorë të skuadrës në ndeshjen ndaj Barcelonës.
Interi të mërkurën nga ora 21:00 do të luajë në udhëtim te Barça në ndeshjen e parë gjysmëfinale të Ligës së Kampionëve.
Mediumet italiane kanë raportuar të hënën se mbrojtësi francez, Benjamin Pavard, do të jetë mungesë e rëndësishme e skuadrës së Simone Inzaghit ndaj gjigantit katalunas.
Pavard u lëndua të dielën në disfatën 1:0 të Interit nga Roma.
Pavard u detyrua të zëvendësohej në minutën e 15-të. Mësohet se francezi e ka lënduar kyçin e këmbës.
Ndërkohë në dyshim për ndeshjen ndaj Barçës është sulmuesi Marcus Thuram.
Thuram i ka munguar “nerazzurrëve” në tri ndeshjet e fundit për shkak të një lëndimi muskulor.
