Benjamin Pavard ka pësuar lëndim muskulor i cili mund ta lërë jashtë fushës për disa javë.
Mbrojtësi i Interit që përfaqëson Francën, u largua nga loja në pjesën e parë në fitoren 1:0 ndaj Leipzigut në Ligën e Kampionëve.
Ai pritet të mungojë të paktën gjashtë ndeshje, ka njoftuar të enjten “Sky Sport Italia”.
Problemet tek Interi në fazën e mbrojtjes vazhdojnë të jenë të mëdha, pasi së fundmi është lënduar edhe Francesco Acerbi.
28-vjeçari Pavard ka zhvilluar 15 ndeshje në të gjitha garat në edicionin aktual, ndërsa e ka një asistim.
