Nazmi Gripshi e ka shënuar golin e dytë me fanellën e Astanas në po aq ndeshje të luajtura.
Gripshi të enjten gjatë ditës realizoi në ndeshjen e parë të rrethit të dytë kualifikues të Ligës së Konferencës.
Astana e Kazakistanit barazoi 1:1 në udhëtim te Milsami i Moldavisë. Vendësit golin e barazimit e shënuan në minutën e 90-të.
Gripshi shënoi në minutën e 57-të nga afërsia për 1:0, ndërsa u zëvendësua katër minuta para fundit.
